जावें संतांसी शरण । भावें करावें मनन ॥१॥
तनु मन धनें सेवा । वरी दाखविती देवा ॥२॥
भवजल हें अफाट । कोण दावी येथें वाट ॥३॥
काम क्रोध मद मत्सर । नक्र सूसर जलचर ॥४॥
मोह अहंतेच्या लाटा । मन धांवे दाही वाटा ॥५॥
वारा कल्पनेचा थोर । जन्ममृत्यु डोह घोर ॥६॥
देहपोत छिद्रें फार । जरी सुकृत अपार ॥७॥
’रंग’ संत कर्णधार । तेचि पावविती पार ॥८॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
