( राग-छायालगत्व खमाज; ताल-धुमाळी )
राधे तूझा कृष्ण हरी । गोकुळांत फंद करी ॥
जाउनि गौळणीला धरी । दही दूध चोरी करी ॥ध्रु०॥
मथुरेची गौळण थाट । शिरी गोरसाचा माठ ॥
अडवितो आमुची वाट । करितो मस्करी ॥१॥
संगे घेउनी गोपाळ । हिंडतसे रानोमाळ ॥
करितो आमुचे बहु हाल । सोसावे कुठवरी ॥२॥
गुण याचे सांगूं किती । सांगतां मज वाटे भ्रांती ॥
वाईट आहे याची रीति । ऐसा हा ब्रह्मचारी ॥३॥
गौळण होऊनियां लीन । जाती हरीला शरण ॥
क्षमा करीजे मनमोहन । दास चरण धरी ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
