माझ्या मातीचे गायन, तुझ्या आकाश श्रृतींनी
जरा कानोसा देऊन, कधी ऐकशील का रे ?
माझी धुळीतील चित्रे, तुझ्या प्रकाश नेत्रांनी
जरा पापणी खोलून, कधी पाहशील का रे ?
माझ्या जहाजाचे पंख, मध्यरात्रीत माखले
तुझ्या किनार्यास दिवा, कधी लावशील का रे ?
माझा रांगडा अंधार, मेघा मेघांत साचला
तुझ्या उषेच्या ओठांनी, कधी टिपशील का रे ?
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
