पुजारी : आतां आलों तेव्हां.
पोलीस : जिवंत आहे ?
पुजारी : हो, अजून डोळे नीट उघडीत नाही. ताजें आहे.
पोलीस : आता काय कारायचे ?
पुजारी : मी तरी काय सुचवूं ?
पोलीस : या मुलाला सांभाळावयास आहे का कोणी तयार ?
वसंता : वेदपुरुषा! ते बघ रात्रीचे दोघे मित्र. आपल्या ताईचे मूल तो घेईल का ?
वेदपुरुष : समाज त्याला खाऊन टाकील.
वसंता : त्याच्या डोळ्यांतून पाणी आलें आहे ओठ थरथरत आहे. कसा पाय उंच करून बघत आहे !
वेदपुरुष : त्याचा मित्र त्याला पाठीमागे खेंचीत आहे, पुढे घुसूं देत नाही .
पोलीस : आहे कोणी तयार ? कोणी हिंदु आहे तयार ?
पुजारी : असली बिनवारशी मुलें हिंदु धर्म पोटाशी घेणार नाही ; हिंदु धर्म अस्सलाला किंमत देतो. नकली माल हिंदु संस्कृतीस खपत नाहीं.
एकजण : हिंदुची संख्या घटत आहे म्हणून मात्र घंटा वाजवतां! अशी लाखो बेवारशी मुलें ख्रिस्ती व मुसलमान जवळ घेतात व म्हणून त्यांची संख्या वाढते .
दुसरा : अहा शिष्ट, वाटेल तें नका बोलू. मुसलमान फसवून पळवून बाटवतात.
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
आमच्या टेलिग्राम ग्रुप वर सभासद व्हा. इथे तुम्हाला इतर वाचक आणि लेखकांशी संवाद साधता येईल. 