पावसा रे, थांब कसा !
बंद दारे, बंद सारे
कोंडून मी राहू कसा ?
परसात जाऊ कसा ?
जास्वंदीचे लाल फूल
हात त्याला लावू कसा ?
अंगणात जाऊ कसा ?
कागदाच्या होडया छान
पाण्यापाशी नेऊ कसा ?
शाळेमधे जाऊ कसा ?
धडा माझा तोंडपाठ !
दहापैकी दहा घेऊ कसा ?
मैदानात जाऊ कसा ?
चेंडूफळी कोपर्यात
मुकाटयाने पाहू कसा ?
-बाबा आले ! थांब कसा !
ठोक देतील रागाने
रडशील ढसा ढसा !
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
