ध्रुवाची तू ग चांदणी, 
जावून बसलीस तारांगणी,
गाण्याची तू तर पट्टराणी.
|| जावून बसलीस तारांगणी,
ध्रुवाची तू ग चांदणी|| 

मंगेशकरांची ग कन्या गुणी,
घरामधील थोर अन् महा धोरणी,
मोहित झाले तव गाण्यावर हिंदुस्थानी ,
अशी तू ग ध्रुवाची चांदणी ||धु|| 

सकाळ होते तव मधुर भजनी,
दु:खी मने स्वर ऐकता जाती भरुनी ,
बालकांची कोमल मने ऐकती बालगाणी,
वीरांना वाहिली अंजली तू गाउनी विराणी,
 सदैव अढळ अशी ग ध्रुवाची चांदणी ,
 
निद्रादेवीला प्रसन्न करीशी अंगाई  गाउनी,
घायाळ सैनिकांना धीर देशी,
तू आपल्या गोड स्वरांनी, 
अशी तू ग ध्रुवाची चांदणी ||धु|| 

गेलीस तू मंगेशा परी,
दुसरे होणार नाही ग कुणी ,
तू तर ध्रुवाची चांदणी ||धु || 

        श्रीमती सीमा रमेश जोशी
        बोळींज, विरार 
        16/02/2022

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel