सौम्यशब्दे उदोकारे वाचे उच्चारा ।
भावें भक्त विनवी शांति चाल मंदिरा ॥ धृ. ॥
नवखणांचा पलंग शांते शोभतो बरा ।
सुमनांचे परिवारी शांते शयन करा ॥ १ ॥
अष्टहि भोग भोगुनी शांता पहुडली शेजे ।
भक्तजनांची आज्ञा जाहली चलावें सहजें ॥ २ ॥
मानस सुखी दशमस्थाने निद्रा हो केली ।
रामदास म्हणे शांता ध्यानीं राहिली ॥ ३ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
आमच्या टेलिग्राम ग्रुप वर सभासद व्हा. इथे तुम्हाला इतर वाचक आणि लेखकांशी संवाद साधता येईल. telegram channel