तीन माचवीं चार गाते त्यावर निजलें होतें । रामनामीं मिळुन गेलें खाटलें पडलें रितें ॥१॥

सौरी झालें बाई । नाहिं त्याचे पायीं ॥ध्रु०॥

होउनि वेडी घालित फुगडी गेलें राउळांत । मला पाहुन देव भ्याला नाहिं देउळांत ॥२॥

होउनि वेडी फाडित लुगडीं आळोआळी नाचे । मागें पुढें रुंदावलें झालें गणोबाचें ॥३॥

तुका म्हणे सौरी झालें दादला मला भ्याला । संग नसतां पोरें झाली काय सांगूं तुला ॥४॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
आमच्या टेलिग्राम ग्रुप वर सभासद व्हा. इथे तुम्हाला इतर वाचक आणि लेखकांशी संवाद साधता येईल. telegram channel