गांवींच्या प्रभूनें बोलाउनी वरी । हजामत बरी केली माझी ॥१॥
माझ्या मायबापें नव्हतें केलें कोड । गाढवाचें घोडें देवें दिलें ॥२॥
कंदर्पाच्या माळा घालुनियां गळां ॥ ऐसा हा सोहळा नव्हता झाला ॥३॥
सोईरे धाईरे आणिक सहोदर । धरियलें छत्र मजवरी ॥४॥
मायबापें दोन्ही आणिक करवली । वरात मिरवली ऐसी नव्हती ॥५॥
तुका म्हणे तुम्ही हळुहळू चाला । उगाच गलबला करुं नका ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
