कांकड-आरती परमात्मया रघुपती ।

जीवीं जीवा ओंवाळित निजीं निजात्मज्योति ॥ध्रु०॥

त्रिगुण कांकडा द्वैतधृतें तिंबिला ।

उजळली आत्मज्योति तेणें प्रकाश फांकला ॥१॥

काजळी ना दीप अवधें तेज डळमळ ।

अवनी ना अंबर अवधा निगूढ निश्चळ ॥२॥

उदय ना अस्त जेथें बोध प्रातःकाळीं ।

रामी रामदास सहजीं सहज ओंवाळी ॥३॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Comments
आमच्या टेलिग्राम ग्रुप वर सभासद व्हा. इथे तुम्हाला इतर वाचक आणि लेखकांशी संवाद साधता येईल. telegram channel