फुलबाग फुलवितो-ते आम्ही फुलमाळी
गोकुळा भुलवितो-ते आम्ही वनमाळी
स्वर्चाप निर्मितो-ते आम्ही भिंगारी
रंगवितो क्षितिजे-ते आम्ही रंगारी
तार्यास उजळितो परेश ज्या जादूने
वार्यास घालितो फुंकर ज्या जादूने
ती जादू अमुच्या भरली अंतःकरणी
ती घडवी अमुच्या करवी अद्भुत करणी
बीजांना आम्ही वृक्षरुप देणारे
कलिकांना आम्ही पुष्परुप देणारे
बालांना आम्ही नारायण करणारे
ते शिक्षक आम्ही धन्य जगी ठरणारे
देतात अम्हांला देव दिव्य निज अंश
उद्धरितो आम्ही अवघा मानव-वंश !
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
