द्रव्यं देशः फलं कालो ज्ञानं कर्म च कारकः ।

श्रद्धाऽवस्थाऽऽकृतिर्निष्ठा त्रैगुण्यः सर्व एव हि ॥३०॥

द्रव्यशब्दें आहार त्रिविध । देशशब्दें वनग्रामभेद ।

फळशब्दें सुखउद्बोध । सत्वसंबंधविभागें ॥९३॥

काळशब्दें भगवद्भजन । कैवल्यनिष्ठा या नांव ज्ञान ।

कर्म म्हणिजे मदर्पण । कर्ता तो जाण असंगी ॥९४॥

श्रद्धाशब्दें आध्यात्मिकी । अवस्थाशब्दें जागरणादिकी ।

आकृतिशब्दें उपरिलोकीं । देवतादिकीं क्रीडन ॥९५॥

जो गुण वाढे देहांतीं । जेणें गुणें होय अंतःस्थिती ।

त्या नांव निष्ठा म्हणती । जाण निश्चितीं उद्धवा ॥९६॥

भिन्न भिन्न भाग अनेक । किती सांगूं एकेक ।

अवघें जगचि त्रिगुणात्मक । जाण निष्टंक निजभक्ता ॥९७॥

संसार समस्त त्रिगुण । यांमाजीं मी अवघा निर्गुण ।

ते तुज कळावया निजखूण । गुणनिरुपण म्यां केलें ॥९८॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel

Books related to श्रीएकनाथी भागवत


श्रीएकनाथी भागवत