आदावन्ते च मध्ये च सुज्यात्सृज्यं यदन्वियात् ।

पुनस्तत्प्रतिसंक्रामे यच्छिष्येत तदेव सत् ॥१६॥

गुणां आदि-मध्य-अवसानीं । सृष्टिउत्पत्ति-स्थिति-निदानीं ।

जें असे अविनाशपणीं । तें मी मानें संतत्वें ॥१९०॥

तेंचि संतत्व गा ऐसें । ज्याचेनि आधारें जग वसे ।

जें जगा सबाह्य भरलें असे । जग प्रकाशे ज्याचेनी ॥९१॥

हें जगचि होय जाये । परीं तें संचलेंचि राहे ।

ऐशी जे निजवस्तु आहे । ते तूं पाहे संतत्वें ॥९२॥

जैसे घटमठ होती जाती । आकाश राहे सहजगती ।

तेवीं ब्रह्मांडा लयोत्पत्ती । वस्तूची स्थिती संचली ॥९३॥

जेवीं अलंकारपूर्वीं सोनें । अलंकारीं सोनें सोनेंपणें ।

अलंकारनाशीं नासों नेणे । जेवीं कां सोनें निजस्थिती ॥९४॥

तेवीं आकळोनि चराचर । वस्तु असे अखंडाकार ।

होतां जातां आकारविकार । वस्तु अणुमात्र विकारेना ॥९५॥

ऐशी जे वस्तु अखंडपणें । तिच्या ठायीं चार प्रमाणें ।

इहीं प्रामार्णीं वस्तु जाणणें । प्रपंच देखणें मिथ्यात्वें ॥९६॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel

Books related to श्रीएकनाथी भागवत


श्रीएकनाथी भागवत