कधिं ग साळू बोलसी आवडसी आम्हांला ।
प्राणदान देउं तुला, हाच लाभ झाला ॥धृ०॥
स्वरूप तुझे पाहोनी चंचळ मन झालें ।
रात्रंदिस येवोनी फिरते भवताले ॥
छातीवर कुच दोन्हीं पहातांना मन धालें ।
घडींत रंग करू दे संग, भुललों नखर्याला ॥१॥
केव्हां स्नेह घडेल आतां सांपडशी आम्हांसी ।
होइल कीं तुमची सत्ता प्रीतीच्या सुखासी ।
फार दिवस बोलतां लाजतों मनासी ।
मुखचंद्र दावी तुझा, रिझलों स्वरुपाला ॥२॥
दगलबाज स्त्रिया तुम्ही, कळूं नये कळली गे ।
वाट तुझी धरली आम्ही, घडी आज टळली गे ।
वचनाची दे ग हमी, तूं नट कळली गे ।
आशावंत पुरवी आशा, एक मास झाला ॥३॥
रत्न गुणी माणसा तूं ये आज रंगमहालीं ।
भोग मला, लइ दिवसांनी भरपाई झाली ।
मी पुतळी लाव कसा, आज पडले ख्यालीं ।
रामा म्हणे भोग आतां, आज मिलाफ झाला ॥४॥
प्राणदान देउं तुला, हाच लाभ झाला ॥धृ०॥
स्वरूप तुझे पाहोनी चंचळ मन झालें ।
रात्रंदिस येवोनी फिरते भवताले ॥
छातीवर कुच दोन्हीं पहातांना मन धालें ।
घडींत रंग करू दे संग, भुललों नखर्याला ॥१॥
केव्हां स्नेह घडेल आतां सांपडशी आम्हांसी ।
होइल कीं तुमची सत्ता प्रीतीच्या सुखासी ।
फार दिवस बोलतां लाजतों मनासी ।
मुखचंद्र दावी तुझा, रिझलों स्वरुपाला ॥२॥
दगलबाज स्त्रिया तुम्ही, कळूं नये कळली गे ।
वाट तुझी धरली आम्ही, घडी आज टळली गे ।
वचनाची दे ग हमी, तूं नट कळली गे ।
आशावंत पुरवी आशा, एक मास झाला ॥३॥
रत्न गुणी माणसा तूं ये आज रंगमहालीं ।
भोग मला, लइ दिवसांनी भरपाई झाली ।
मी पुतळी लाव कसा, आज पडले ख्यालीं ।
रामा म्हणे भोग आतां, आज मिलाफ झाला ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
