हळु हालवितें पाळण्याला
माझ्या मोगरीच्या फुला
माझ्या नवसाच्या बाळा
जो जो रे जो जो
तुझ्यासाठीं मागितलें
रुप सूर्याचें आगळें
हासूं चंद्राचें मोकळें
माझ्या नवसाच्या बाळा
जो जो रे जो जो
वर्षें किती वर्षांपाठीं
थांबलें मी तुझ्यासाठीं
आतां धन्य माझी ओटी
माझ्या नवसाच्या बाळा
जो जो रे जो जो
नीज सुखांत साजिरा
माझ्या डोळ्यांचा पाहारा
अमंगलाला ना थारा
माझ्या नवसाच्या बाळा
जो जो रे जो जो
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
