जो जो जो जो रे सुखधामा । भक्तपूर्ण कामा ॥ध्रु०॥
क्षत्रिय संहारी रणांगणीं । उग्र स्वभाव करणी ।
भारी श्रमलासी खेळणीं । उद्धरितां हे धरणी ॥
धेनु द्विजांचे पाळणा । करितां अवतारंणा ।
तुजला निजवितां पाळणा । दीनावरि करिं करुणा ॥जो०॥
देव अवतरले हृषिकेशी । भृगूऋषीच्या वंशीं ।
संगें घेउनियां विधि-हरिसी । रेणुकेचे कुशीं ॥
सागर सारुनियां बसवीले । कोंकण जन-पाळिले ।
दुष्टाचरणातें दवडीलें । यश हें प्रसिद्ध केलें ॥जो०॥
स्वस्थानीं जावें भार्गवा । अखंडित चिरंजीवा ।
योगमाया ते करि सेवा । परशुराम देवा ॥
हालवी रेणुका पाळणा । गाई त्या सगुणा ।
सखया रामाच्या आभरणा । चुकवीं जन्ममरणा ॥जो०॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
