कर जोडोनि विनवितो तुम्हां । तुम्ही वासुदेव वासुदेव म्हणा ।
नको गुंतू विषयकामा । तुम्ही आठवा मधुसूदना ॥१॥
नरदेह दुर्लभ जाणा । शतवर्षांची गणना ।
त्यामध्ये दु:ख यातना । तुम्ही आठवा मधुसूदना ॥२॥
नलगे तीर्थांचे भ्रमण । नलगे दंडण मुंडण ।
नलगे पंचाग्नी साधन । तुम्ही आठवा मधुसूदना ॥३॥
हेचि माझी विनवणी । जोडितो कर दोन्ही ।
शरण एका जनार्दनी । तुम्ही वासुदेव म्हणा अनुदिनी ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
