अहं वाघा साहं वाघा प्रेमनगरा वारी ।
सावध होऊनि भजनी लागा देव करा कैवारी ॥ १ ॥
मल्हारीची वारी माझ्या मल्हारीची वारी ॥ धृ. ॥
इच्छा मुरळीस पाहू नका पडाल नरकद्वारी ।
बोध बुधली ज्ञान दिवटी उजळा महाद्वारी ॥ २ ॥
आत्मनिवेदन रोडगा निवतील हारोहारी ।
एका जनार्दनी धन्य खंडेराव त्यावर कुंचा वारी ॥ ३ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
