सुंदरे, चिद्घने, माझे रंगा येई वो माते ।
वाजविली डाक सत्वर पावे दीनानाथे ॥ १ ॥
भरिला ह्रदयी चौक भोग आनंदा घातला ।
सोहं सुमन माळा घट पूर्णत्वे भरला वो ॥ २ ॥
अहं धूप जाळुनि भावे केली धूपारती वो ।
लावूनी त्रिगुण वाती केली चिन्मय आरती वो ॥ ३ ॥
छेदूनि भेदवचन षड्रस पक्वान्ने वो ।
पूर्ण पात्रे भरून केले आत्मनिवेदन वो ॥ ४ ॥
नाचती वैष्णव रंगी करती जयजयकार वो ।
भावाचे दर्शन गळा तुळशीचे हार वो ॥ ५ ॥
ऎसे स्तवन करिता अंबा आलिसे रंगणी वो ।
काया वाचा मने शरण एका जनार्दनी वो ॥ ६ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
