जगभरातून अवतार या हॉलिवूड चित्रपटाचे प्रेक्षकांकडून स्वागत होते आहे. समीक्षक सुद्धा या चित्रपटाला पसंत करत आहेत. उत्पन्नाचे सर्व रेकॉर्ड त्याने तोडले आहेत. अर्थात भारतात सुद्धा.

मग या चित्रपटाबद्दल कुतूहल वाटणे साहाजिकच आहे, की असे काय आहे या चित्रपटात?

मीही हा चित्रपट बघितला (२डी) आणि त्या बद्दल सांगावेसे वाटले.

या चित्रपटाची कथा आहे २१५४ सालातली- म्हणजे काळाच्या पुढची.
हा चित्रपट थ्रीडी सुद्धा आहे, (पण फक्त इंग्लीसमध्ये) आणि फक्त आणि फक्त पडद्यावरच अनुभवण्यासाठी आहे.
हॉलिवूडचा चित्रपट असूनही चित्रपटाचे नाव संस्कृत मधला शब्द अवतार वरून ठेवले आहे.
पूर्ण चित्रपटभर स्पेशल इफेक्ट आहेत.
या चित्रपटाची कथा सुद्धा एक पूरणपणे नवीन प्रयोग आहे. आतापर्यंत एलीयन हे आपल्यापेक्षा तंत्रज्ञानात सरस दाखवले गेले होते आणि ते आपल्यावर आक्रमण करत. पण यात आपण एलीयन वर आक्रमण करतो आणि त्यांची जमीन बळकावून त्यात असलेला एक मौल्यवान धातू आपल्याला हवा असतो, आणि एलियन अजून माकड रुपातच आहेत. तेथे अजून डायनॉसॉर (सदृश) आहेत. भरपूर निसर्ग आहे.
यात पॅण्डोरा नावाच्या ग्रहावरची एक अशी अद्भुत दुनिया आहे, की ज्याची आजवर आपण कधी स्वप्नात सुद्धा कल्पना केली नसेल.
यात प्रथमच सी जी आय इमेजेस (कॉंप्युटर निर्मित प्रतिमा) आणि प्रत्यक्ष कलाकार यांचे मिश्रण हे शूटींगच्या वेळेसच केले आहे.
यात हॉरर प्रेमींसाठी जंगलातले काही भीतीदायक प्रसंग आहेत, तसेच डायनोसॉर सारखे अजश्र प्राणी, वेगळे घोडे, विचित्र प्राणी आणि देवाचे चमकणारे फायबर ओप्टीक सारखे तरंगणारे किडे आहेत, रात्री चमकणारे झाडं आहेत, अतिशय महाकाय अजश्र प्रचंड झाडं आहेत. तरंगणारे पर्वत आहेत. अति विशाल पक्षी आहेत. (एकदा पडद्यावर बघाच)
विज्ञान प्रेमी प्रेक्षकांसाठी अजश्र महाकाय रोबोट आहेत, ज्यात मनुष्य बसून त्याला कंट्रोल करतो. (एकदा तरी पदद्यावर बघाच), तसेच २१५४ साली कॉंप्युटर, हेलीकोप्टर कसे असतील हे बघायला मिळते.
अंधश्रद्धा प्रेमीं प्रेक्षकांसाठी साठी यात असे झाड आहे की ज्यात पारंब्यांना वेणी जोडली की पूर्वजांचे आवाज ऐकायला येतात. तसेच "एवा" देवता आहे, जी त्या उडणाऱ्या तंतूमय किटकांद्वारे (पवित्र आत्मे) संदेश देते.
युद्ध आवडणाऱ्या प्रेक्षकांसाठी यात असे जबरदस्त चित्तथरारक युद्ध आहे की जे श्वास रोखून तुम्ही बघाल.
सुपरहीरो चित्रपट आवडणाऱ्या प्रेक्षकांसाठी यात शेपटीवाला, वेणीवाला सुपरहिरो सुद्धा आहे.
चित्रपट पाहातांना नकळत जापानी अनिमेटेड रामायणातला राम आणि त्याचे सैन्य याच्याशी अवतार ची तुलना होत होती. थोडे रामायणातले उडणारे पक्षी वगैरे वरून कल्पना उचलली आहे असे मला वाटते.
हा चित्रपट आपल्याला जाता जाता एक संदेशही देवून जातो, की पर्यावरण, निसर्ग यांना नष्ट होवू देवू नका.
टीप-पॅण्डोरावर ओक्सिजन नसतो. पॅण्डोरा वरचा लोकांना नावी म्हणतात
मी या चित्रपटाला पाच स्टार देतो. अप्रतिम चित्रपट. जरूर बघा. कुटूंबासोबत.
थोडक्यात कथा अशी-

२१५४ साली अमेरीकन सैन्य एक यान घेवून पॅण्डोरा ग्रहावर जातं. जॅक सली याचा भाऊ या अवतार प्रोजेक्ट साठी काम करत असतो, पण एका अपघातात मरण पावतो. त्याची जबाबदारी जॅकवर येते. अवतार प्रोजेक्ट काय असतो? तर नावींचे आणि मानवी डीएनए एकत्र करून मानवाचा नावी "अवतार" विकसित करून, त्यांना नावी लोकांमध्ये पाठवून त्यांचे रितीरिवाज, भाषा शिकून त्यांना त्या झाडापासून वस्ती हटवण्यास भाग पाडायचे असते व तो मौल्यवान धातूंच्या खड्यांचा खजिना घेवून पृथ्वीवर यायचे असते. पहीला अवतार "जॅकचा" असतो व त्यासोबत इतर अवतार पाठवले जातात. पहिल्याच दिवशी जॅक एकटाच पॅण्डोरावरच्या जंगलात अडकतो. त्याची भेट नायीत्री शी होते. ती त्याला वाचवते. (त्याचे कारण येथे समजावून सांगण्यापेक्षा पडद्यावर बघणे योग्य राहील) त्यांचं एकमेकांवर प्रेम जडतं. तिकडे जॅक पेटीत झोपला की इकडे अवतार जागा होतो आणि अगदी या उलट सुद्धा होते. पण हा प्रोजेक्ट ज्या ग्रेसी नावाच्या वैज्ञानीकाच्या अधीन असतो तीचा नावींना मारण्याला विरोध असतो. पण सैन्याचे कंट्रोल दुसऱ्याच्याच हाती असते. तो आतातायीपणा करून नावींवर हल्ला करतो आणि... पुढचे पदद्यावरच अनुभवा.

एक कोडे- या चित्रपटात कोठेही २१५४ असा कुणाच्या तोंडून उल्लेख ऐकण्यात आला नाही. पण, हा २१५४ सालचा चित्रपट आहे हे नक्की. चित्रपटात ते कुठे दिसते?

शोधा म्हणजे सापडेल.

उत्तरासाठी मदत- "व्हीडीओ लॉग."
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel