न्यूज चॅनेल्सवर खाली सरपटणाऱ्या बातम्या काही चॅनेल्स वर एका ऐवजी दोन पट्ट्यांमध्ये असतात.

त्यामुळे दोन वेगवेगळ्या बातम्या आपल्याला एकच वाटतात किंवा जर त्या 'एकच बातमी' असल्यासारख्या वाचल्यात तर त्यातून तयार होते हास्यास्पद विसंगती!

अशाच काही विसंगती मी तयार केल्या आहेत व आपणासाठी देत आहे.

त्याचे नामकरण मी " सरपटणारे विनोद " असे केले आहे.

आवडल्यास व हसू आल्यास तसे जरुर कळवा.....

•सबका मालिक एक - महाराष्ट्र सरकारची घोषणा!
•राज्यात पावसाची दमदार हजेरी - मेधा पाटकर यांचा आरोप
•तांब्याच्या तारा चोरणारी टोळी गजाआड - मदतीसाठी संपर्क साधा ४५६७८९ या क्रमांकावर!
•मुंबईत मुसळधार पाउस - इराक सापडले अडचणीत !
•रस्त्यावर दुभाजक लक्षात न आल्याने - कृत्रिम पावसाची गरज
•हवामानात होणारे बदल - ही या कॉलेजची वैभवशाली परंपरा
•मायकल जॅक्सन जीवंत आहे - मायकल जॅक्सनला लाखो चाहत्यांनी दिला अखेरचा निरोप.
•एशा कोप्पिकर उच्च न्यायालयाच्या या निर्णयाने खुश - बच्चन यांना पोटदुखी.
•अनिल कपूर ला पस्तीस लाखाचा दंड- जागतीक मंदी चा परीणाम!
------------------------------------------------------
( भाग दोन मध्ये थोडा बदल. म्हणजे टि. व्ही. वर दाखवल्या जाणाऱ्या कार्यक्रमाचा, किंवा जाहिरातीचा संबध, खाली सरपटणाऱ्या बातम्यांशी लावला तर काय धमाल येईल...)

•ग्रामीण भागात दोन मामे बहिणी विवाह करणार - अब्बास टायरवाला ची तीन तास कसून चौकशी.
•आज राज्यभर मुसळधार पावसाची शक्यता - उपमुख्यमंत्र्यांचे वक्तव्य!
•अमेरिका इराक युद्ध भडकले - इंग्लंड चार धावांनी पराभूत. तेंडुलकर सामनावीर!
•"काय? तु काल रात्री कसलीच खबरदारी घेतली नाही? " - डेंगूची साथ. योग्य ती खवरदारी घ्या!
•शेअर बाजाराची उसळी! - "अशा प्रकारच्या उसळींचा आपण आहारात नेहेमी सामावेश करावा! "
•राज्यभर दुष्काळी परिस्थिती - "मला माझ्या मुलीला वाचवायला हवं. मी साबणाचं नाव सांगायला विसरले! "
•-च्या निधनाने एक उमदा खेळाडू हरपला - " उंची सहा फुट, रंग गोरा - सापडल्यास या क्रमांकाअर संपर्क साधा! "
•इंग्लंडमध्ये मॅडम टुसाडस मध्ये शहारुखचा पुतळा बसवला - सलमान घोड्यावरून पडला.




आजकाल सगळ्या हिंदी मराठी न्यूज चॅनेल्सवर तळाशी ब्रेकींग न्यूज देतात. पण त्या जर सरकणाऱ्या (स्क्रॉलींग) नसल्यात तर आणि बातमीचे वाक्य खुप मोठे असेल तर त्या बातमीच्या वाक्याची कशी फोड ( की तोड फोड? ) केली जाते व त्यातून कसे विनोदी वाक्ये तयार होतात ते आपण बघूया. त्या फोडीतील पहिले वाक्य वाचल्यावर पूर्ण बातमीचा अंदाज येत नाही. कधी कधी असे वाटायला लागते की जागा उपलब्ध असतांनाही मुद्दाम उत्सुकता ताणण्यासाठी व प्रेक्षक जास्त काळ टिकून राहाण्यासाठी सुद्धा ही फोड केली जात असावी.

उदाहरणार्थ :

दिल्लीत भेट
सोनियांशी भेट
राणे दिल्लीत
पंधरा मिनिटे चर्चा
राणे सोनियांना भेटले
सोनियांशी चर्चा
दिल्लीत चर्चा
तपशील गोपनीय
सोनियांशी चर्चेचा तपशील गोपनीय
राणेंची चर्चा ...
हुश्श्श्श !!! संपली एकदाची बातमी!

खालील प्रकार मी तयार केलेत :

(1)
अटक
ड्रायव्हरला अटक
नाशिकजवळ मृत्यू
मुलाचा मृत्यू
पाच वर्षे वयाचा मुलगा
मुलगा पहिलीत
पोलीस आले
ट्रकने मुलाला दिली होती टक्कर
जमावाची तोड फोड
नाशिकजवळ अपघात

(2)

कपडे झाले ओले
अभिनेत्री चे कपडे
सर्दीवर आता उपाय काय?
डायरेक्टरची चिंता
तपासणी
पाण्याची तपासणी
अभिनेत्रीवर टाकलेल्या पाण्याची वैद्यकीय तपासणी
आई आली
सेटवर हंगामा
सेटवर अभिनेत्रीची आई आली
तीने केला हंगामा
थोबाडीत दिली
डायरेक्टरचा गाल सुजला
आईची धमाल
सेटवर अभिनेत्रीच्या आईची धमाल
सर्दीबाबत जाब विचारले

(3)

सावधान! हत्तीची रात्र आहे.
आज येणार हत्ती
तुम्ही हादराल
हत्ती येईल तुमच्या टि. ही. मध्ये
एक हत्ती रात्री ११ वाजता तुमच्या घरात येईल (टि. व्ही. समोर बसलेले सगळे पाचई पास प्रेक्षक आहेत वाटते)
आज तुमच्या टि. व्ही. मधून बाहेर येईल एक हत्ती
तो आधी एक सोंड बाहेर काढील
मग तुमच्या टि. व्ही. चा आवाज वाढवील
आणि टि. व्ही. बंद करून टाकील
तुम्ही मग आमचा कार्यक्रम पाहू शकणार नाही
आहे ना गंम्मत?
विसरू नका... रात्री अकरा वाजता... टि. व्ही. ऑन करा

(4)

आज रात्री अकरा वाजता ऐकू येणार एक आरोळी
एक तेज आरोळी
तुमच्या कानठळ्या बसतील.
पण घाबरू नका
टि. व्ही. बंद पण करू नका
एक अशी व्यक्ती आमच्या स्टुडीओ मध्ये यणार..
की तुमचे डोळे विस्फारणार
विस्फारून विस्फारून पेंगणार
पण झोपू नका
जागे राहा
बरोब्बर अकरा वाजता
स्टुडीओत येणार एक सिंह
डरकाळी फोडणार
आमच्या खास प्रतिनिधीने पकडून आणलेला सिंह
सिंहाशी बोलायचे असल्यास आम्हाला फोन करा
बघायला विसरू नका : सिंह इज किंग ( ऑफ द जंगल! )

(5)

रात्री जाग्या झाल्या
प्रियकर सापडला
रेल्वे इंजीन्सची टक्कर
हरवला होता
रात्री आल्या आठवणी
प्रियकराच्या आठवणी जाग्या झाल्या
शहर हादरले
प्रियकर सापडला प्रेयसीला - विषेश कार्यक्रम पाहा रात्री दहा वाजता
आरोपीला कोठडी
शहर बॉंबस्फोटांनी हादरले
पोलीस आले
समोरासमोर दोन रेल्वे इंजीन्सची टक्कर झाली
घटस्फोट झाला
याला गार्डच जबाबदार
अभिनेत्रीचा आक्रोश
खेळाडूशी घटस्फोट
महाराष्ट्रात पाऊस नाही
त्यामुळे आता तुम्ही मोबाईलवरच बील भरू शकता
भारतात गरिबी वाढली
कोटींना विकले गेले खासदार
म्हणून शेतकऱ्यांची आत्महत्या!
महागाईने जनता त्रस्त
धनाढ्यांच्या धुंद पार्ट्या - विषेश कार्यक्रम
कित्येक ठिकाणी दुष्काळसुदृष्य परिस्थिती
स्विमींग पूलच्या उद्घाटनाला आली अभिनेत्री - "म्यांवलीका मांजरावत"
सगळ्यांसमोर पोहून करणार उद्घाटन
झोपडपट्टीत राहाणाऱ्यांना अंगावर कपडा नाही ..............
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel