["एका माणसाची दाढी केवढी लांब सांगू काय ...." या एका बालगीताच्या चालीवर खालील कवीता वाचावी.]

(वरील बालगीत फाउंटेन कंपनीच्या च्या एका बालगीतांच्या व्हि‌. सी. डी. मध्ये आहे. ते 'यु ट्युब' वर शोधले तरी मिळू शकेल.)


एका मॉडेलची वस्त्रे केवढी छोटी, सांगू काय ?

सांगू काय, सांगू काय, सांगू काय ?

एवढी छोटी, एवढी छोटी की,

रॅंपवर चालतांना गळून जाय....

सांगू काय, सांगू काय, सांगू काय ? ॥ १ ॥


एका चॅनेलाची बातमी इतकी खरी, सांगू काय?

सांगू काय, सांगू काय, सांगू काय ?

इतकी खरी, इतकी खरी की,

राजा हरीश्चंद्रही लाजून जाय ...

सांगू काय, सांगू काय, सांगू काय ? ॥ २ ॥


एका क्रिकेटपटूच्या खेळाची महती, इतकी मोठी सांगू काय?

सांगू काय, सांगू काय, सांगू काय ?

इतकी मोठी, इतकी मोठी की...

अनेक अभिनेत्रींशी त्याची काडी जोडून, मोडून जाय ...

सांगू काय, सांगू काय, सांगू काय ? ॥ ३ ॥


एका चित्रपटाचे गाणे एवढे आक्षेपार्ह सांगू काय?

सांगू काय, सांगू काय, सांगू काय ?

एवढी आक्षेपार्ह एवढी आक्षेपार्ह की,

सगळीकडे जाळपोळच होवून जाय ...

सांगू काय, सांगू काय, सांगू काय ? ॥ ४ ॥


एका अभिनेतत्रीचा फोटो एवढा अश्लील सांगू काय?

सांगू काय, सांगू काय, सांगू काय ?

एवढा अश्लील एवढा अश्लील की,

सगळीकडे वर्तमानपत्रात पुन्हा पुन्हा छापला जाय ...

सांगू काय, सांगू काय, सांगू काय ? ॥ ५ ॥


एका मॉडेलच्या चपला केवढया उंच, सांगू काय ?

सांगू काय, सांगू काय, सांगू काय ?

एवढ्या उंच, एवढ्या उंच की,

रॅंपवर चालतांना मॉडेलच पडून जाय....

सांगू काय, सांगू काय, सांगू काय ? ॥ ६ ॥


एका शहरातील रस्त्यावरचे खड्डे इतके मोठे सांगू काय?

सांगू काय, सांगू काय, सांगू काय?

इतके मोठे, इतके मोठे की,

एखादा माणूस त्यात सहजच मावून जाय! ॥ 7 ॥

शहरांतील खड्ड्यांबाबत सरकार एवढे उदासीन सांगू काय?

सांगू काय, सांगू काय, सांगू काय?

एवढे उदासीन , एवढे उदासीन की,

'लीटमस पेपरच' रागा रागाने लाल होवून जाय! ॥ 8 ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel